«CIET 2025» HALKARA MASLAHATYNA HASABA ALYNYLYP BAŞLADY

Şu ýylyň noýabr aýynda Aşgabat ýene-de bir gezek halkara ünsi özüne çeker, bu ýerde köpden bäri garaşylýan pudagara innowasiýalar, maýa goýumlary we hyzmatdaşlyk babatda ýurdumyzyň öňdebaryjy çäresi «Türkmenistanyň gurluşyk, senagat, himiýa, energetika pudaklarynyň ösüşi» («CIET 2025») atly halkara maslahaty geçiriler.

3 – 5-nji noýabrda Aşgabatda ilkinji gezek geçirilen «CIET 2024» halkara maslahaty örän uly täsir galdyrdy: 450-den gowrak wekiller, 50-den gowrak çykyş edijiler we 400 gatnaşyjylar «akylly» şäherleriň gurluşygyna, gaýtadan dikeldilýän energetika, infrastrukturany we täze maýa goýum taslamalaryny ösdürmäge ünsi jemläp, gurluşykda, senagatda we energetikada täze mümkinçilikleri ara alyp maslahatlaşmak üçin ýygnandylar.

Noýabr aýynyň başynda Aşgabatda geçirilmegi meýilleşdirilen çäre şu aşakdakylary özünde jemlär:

– iň täze tehnologiýalary we pudaklaýyn üstünlikleri görkezýän halkara sergisi;

– mowzuklaýyn plenar mejlisi;

– «Halkara parahatçylyk we ynanyşmak ýylynda gurluşyk we energetika: durnukly ösüşiň täze gözýetimleri», «Durnukly energiýa ulgamlary: geljegiň arassa we ygtybarly energiýasy», «Infrastrukturanyň maliýeleşdirilmegi we döwlet-hususy hyzmatdaşlyk», «Senagat toparlary we akylly şäher ösüşi», «Durnukly gurluşyk we innowasion gurluşyk materiallary: howa şertleriniň üýtgemegine çydamly infrastruktura». «Gurluşygyň sanlylaşdyrylmagy we senagatyň döwrebaplaşdyrylmagy: Gurluşyk 5.0 - emeli aň, awtomatlaşdyryş we adam merkezli çemeleşme» ýaly mowzuklaýyn mejlisler

– maýa goýujylary türkmen hyzmatdaşlary bilen birleşdirýän B2B maksatly we B2G duşuşyklary we çäreleri;

– «Geljegiň işgärlerini» taýýarlamaga aýratyn üns – okuw tizlendirijileri, başarnyklary ösdürmek boýunça maksatnamalar we okuw jaýlarynyň janly görkezişleri.

«CIET 2025» halkara maslahaty döwlet strategiýasynyň, hususy işewürlik we halkara maýadarlarynyň arasynda köpri bolmak bilen, Türkmenistanyň Merkezi Aziýada durnukly gurluşyk, «akylly» önümçilik we arassa energiýa pudagynda öňdebaryjy orny eýelemäge bolan islegini güýçlendirýän, özgerdýän meýdança bolar.

Ähli gyzyklanma bildirýän taraplar - işläp düzüjiler, maýa goýujylar, innowatorlar, ýaş hünärmenler we çözgütleriň ýolbaşçylary halkara foruma işjeň gatnaşmaga çagyrylýar. Goşmaça maglumat www.ciet-turkmenistan.com tapyp bilersiňiz.