TÜRKMENISTANYŇ UKRAINADAKY ILÇISI TOÝLY ATAÝEW MOLDOWA RESPUBLIKASYNYŇ PARLAMENTINDE DUŞUŞYK GEÇIRDI

02.04.2025ý. senede Moldowa Respublikasynyň Parlamentiniň edara binasynda Türkmenistanyň Ukrainadaky we Moldowa Respublikasyndaky Ilçisi T.Ataýewiň Parlamentiň Daşary syýasat we ýewrointegrasiýa boýunça Komitetiniň ýolbaşçysy Ina Koşeru bilen duşuşygy geçirildi.

Duşuşygyň dowamynda oňa gatnaşyjylar ýurtlarymyzyň arasyndaky ikitaraplaýyn parlamentara hyzmatdaşlygy, parlamentara dostluk toparlarynyň işjeňligniň häzirki ýagdaýy we gelejegi boýunça mowzuklar ara alnyp maslahatlaşyldy.

Ilçi T.Ataýew Türkmenistanyň Halk Maslahatynyň we Mejlisiniň düzümi hem-de olaryň işjeňligi boýunça gysgaça maglumatlary moldowan tarapyna ýetirdi.

I.Koşeru iki ýurduň arasyndaky parlamentara we dürli ugurlardaky hyzmatdaşlygy ösdürmegiň geljegine gyzyklanma bildirdi.

Öz gezeginde Ilçi Pariž şäherinde geçirilen Türkmenistanyň nebit-gaz pudagyna daşary ýurt maýa goýumlaryny çekmek boýunça Halkara göçme forumyna moldowan tarapynyň gatnaşygyna oňyn baha berdi.

Komitetiň ýolbaşçysy 2023-nji ýyldan bäri Moldowa Respublikasynyň energiýa serişdelerini diwersifikasiýa ýoly bilen üpjün edilmegi boýunça maksadaokgunly işleriň geçirilýändigini belläp, bu ugurda Türkmenistan bilen hyzmatdaşlygy ýola goýmak mümkinçliklerini öwrenmek boýunça gyzyklanmalaryň bardygyny habar berdi.

Soňra Ilçi T.Ataýew Aşgabatda geçirilen “Merkezi Aziýa – Ýewropa Bileleşigi” 20-nji ministrler duşuşygynyň netijeleri barada maglumat berip, Moldowa tarapyna hem çakylyk haty ugradylan 12.12.2025ý. senede Aşgabat şäherinde Halkara parahatçylyk we ynanyşmak ýyly mynasybetli, hem-de Türkmenistanyň hemişelik Bitaraplygynyň 30 ýyllygyna bagyşlanyp geçiriljek Halkara forumyna aýratyn üns çekdi.