TÜRKMENISTANYŇ UKRAINADAKY WE MOLDOWA RESPUBLIKASYNDAKY ILÇISINIŇ MOLDOWA RESPUBLIKASYNYŇ IÇERI IŞLER MINISTRLIGINIŇ MIGRASIÝA BOÝUNÇA BAŞ INSPEKTORATYNYŇ ÝOLBAŞÇYSY BILEN DUŞUŞYGY BARADA

02.04.2025ý. senede Kişinýow şäherinde gulluk iş saparynda bolýan Türkmenistanyň Ukrainadaky we Moldowa Respublikasyndaky Ilçisi Toýly Ataýewiň Moldowa Respublikasynyň Içeri işler ministrliginiň Migrasiýa boýunça baş inspektoratynyň ýolbaşçysy Waletin Fýodorow hem-de bu edaranyň wekilleri bilen duşuşygy geçirildi.

Duşuşygyň dowamynda Türkmenistanyň raýatlarynyň Moldowa Respublikasynyň çäginden üstaşyr geçmegi bilen baglanyşykly meseleler ara alnyp maslahatlaşyldy. Ilçihana Inspektoratyň ýolbaşçysyna Türkmenistanyň raýatlarynyň Moldowadan üstaşyr ýurda päsgelçiliksiz dolanmak maksady bilen, wiza ýardamlarynyň berilmegi barada haýyş bilen ýüzlendi.

Şeýle hem, Moldowanyň çäginde bolýan Türkmenistanyň raýatlary tarapyndan migrasiýa kanunlarynyň berjaý edilişi, olaryň hukuklaryny we goraglylygyny üpjün etmek ýaly meseleler hem maslahatlaşyldy.

Türkmen tarapy şol bir wagtyň özünde Moldowa Respublikasynda akkreditlenen Ilçihananyň, wekilhana ýüz tutýan we Moldowanyň çäginden üstaşyr ýurda dolanmak isleýän Türkmenistanyň raýatlarynyň özwagtynda zerur resminamalar bilen üpjün edilendigini, hem-de olar bilen bolýan ýurtlaryň migrasion kanunlaryna hormat goýmalydygy we berjaý etmelidigi barada düşünidiriş işleriniň geçirilýändigi mälim edildi.

Taraplar gozgalýan meseleler boýunça mundan beýläk-de işleşmegiň usullaryny ara alyp maslahatlaşdylar we aragatnaşygy dowam etdirmek barada ylalaşdylar.