Kiýewdäki Magtymguly adyndaky kitaphanada türkmen halk ertekilerine esaslanýan çagalaryň suratlarynyň sergisi geçirilýär

Kiýew şäheriniň Swýatoşinskiý etrabynda ýerleşýän “Swiçado” merkezleşdirilen kitaphana ulgamynyň Magtymguly adyndaky kitaphanasynda etrabyň okuwdan daşary “Suratkeşler” merkeziniň “Kümüş tahýasy” atly döredijilik sergisi açyldy.

Medeni we çeperçilik çäresi Türkmen haly baýramçylygyna gabat gelýär. 7-13 ýaş aralygyndaky çagalar öz çeken suratlarynda türkmen ertekileriniň ajaýyp dünýäsini we olaryň keşplerini, türkmen topragynyň gözelligini suratlandyrdyrýarlar.

Suratlarda, türkmen halk ertekileri, halk döredijiliginiň nusgasy hökmünde, türkmen halkynyň durmuş gymmatlyklary we paýhasy şöhlelendirilýär we ýokary terbiýeçilik wezipesini ýerine ýetirýär. Olaryň gahrymanlary hoşniýetliligi, dogruçyllygy, sahylygy, gaýduwsyzlygy görkezýär.

“Kümüş tahýasy” atly türkmen halk ertekileriniň ýygyndysy, Magtymguly kitaphanasynyň ýaş okyjylarynyň halaýan kitabydyr.

Çagalar öz eserlerinde saýlanan erteki gahrymanlaryny we olaryň başdan geçirmelerini inçe we özboluşly şekillendiripdirler we türkmen tebigatyny çeper suratlandyrypdyrlar.

Umuman, sergide ýaş suratkeşleriň 20 eseri görkezilýär. Serginiň jemleýji senesi türkmen halysynyň güninde geçiriler.

Magtymguly kitaphanasy isleg bildirýän taraplary 19-25.06.2025 seneleri aralygynda bu kitaphanada dowam etjek sergä tomaşa etmäge çagyrýar.