TÜRKMEN BOKSÇYSY HURSAND IMANKULIÝEW WBC ÝEWRAZIÝA GÖRNÜŞI BOÝUNÇA ÇEMPION BOLDY

Türkmen boksçysy Hursand Imankuliýew WBC Ýewraziýa görnüşi boýunça çempionlyk guşagyny gazandy. Tutluşyk 29-njy maýda Daşkentdäki «Humo Arena» sport toplumynda, WBC Ýewraziýa Boxing Night halkara boks agşamynyň çäklerinde geçirildi.

​Imankuliýew garşydaşyny nokout edip, tutluşygy eýýäm birinji raundda möhletinden öň tamamlady. Türkmen türgeniniň garşydaşy professional derejede 8 ýeňşi, 1 ýeňlişi we 1 deňme-deň oýny bolan tanzaniýaly boksçy Adam Daça boldy. Tutluşyk ýarym agyr agram derejesinde (69,8 kg çenli) geçdi.

​Hursand Imankuliýew — halkara derejeli sport ussasy, Türkmenistanyň 10 gezekki çempionydyr. Ol şeýle hem ýurduň adyndan dünýä çempionatlarynda we Aziýa oýunlarynda çykyş etdi. 2017-nji ýylda Yslam raýdaşlyk oýunlarynyň bürünç medalyny eýeledi, 2018-nji ýylda bolsa Polşada geçirilen Feliks Ştamm adyndaky XXXV halkara ýaryşyň ýeňijisi boldy.

​Geçirilen bu tutluşyk Imankuliýewiň professional derejedäki ilkinji titully söweşi boldy.

​World Boxing Council (WBC) — dünýäniň öňdebaryjy dört boks guramasynyň biri bolup, ol 1963-nji ýylda esasландыryldy. WBC Eurasia tituly bolsa sebit çempionlyk guşagy bolup, guramanyň resmi reýting ulgamyna girýär.