Awazada GDA-nyň Daşary işler ministrleriniň geňeşiniň mejlisi geçirildi

«Awaza» milli syýahatçylyk zolagynda Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredowyň başlyklyk etmeginde GDA-nyň Daşary işler ministrleriniň geňeşiniň mejlisi geçirildi.

Mejlise gatnaşyjylar hyzmatdaşlygy pugtalandyrmagyň möhüm meselelerini, şol sanda kiberjenaýatçylyga garşy göreşmek bilen bagly ugurlary ara alyp maslahatlaşdylar.

Duşuşygyň dowamynda birnäçe möhüm resminama makullanyldy. Olaryň hatarynda iş kesilen adamlary bermek baradaky Konwensiýanyň Ikinji fakultatiw teswirnamasynyň taslamasy, goranyş we hukuk goraýjy edaralaryň degişli ylalaşyklaryna üýtgetmeler, şeýle hem GDA-nyň 2027–2035-nji ýyllar üçin bitewi bilim giňişligini kemala getirmegiň Maksatnamasy bar.

Geňeşiň indiki mejlisini 2027-nji ýylyň aprel aýynda Bişkek şäherinde geçirmek meýilleşdirilýär.