Ukrainada MMA-nyň garyşyk başa-baş göreş sungaty boýunça geçirilen açyk çempionatynda Türkmenistanyň raýaty B.Halymow 1-nji orny eýeledi

31.03.2023-01.04.2023 sene aralygynda Ukrainanyň Wolynskiý oblastynyň Lusk şäherinde MMA-nyň garyşyk başa-baş göreş sungaty boýunça Ukrainanyň açyk çempionaty geçirildi. Ýaryşy Ukrainanyň MMA-nyň garyşyk başa-baş göreş sungaty boýunça Federasiýasy we Federasiýanyň Wolynskiý bölümi bilelikde gurnap, ýurduň 22 oblastyndan 300-den gowrak türgen gatnaşdy.

Bellemeli ýeri, bu ýaryşa 25.06.1993 ý. Lebap welaýatynyň Hojambaz etrabynyň Galkynyş geňeşliginde doglan, Galkynyş geňeşliginiň Eleç obasynda ýazgyda duran we häzirki wagtda Ukrainanyň Milli tehniki uniwersitetiniň “Harkow politehniki institutynyň” gündizki bölümi boýunça nebit-gaz fakultetiniň 3 ýyllyk talyby Babageldi Nepesgeldiýewiç Halymow hem gatnaşyp, ol 93 kg agramda 19-40 ýaş aralygyndaky türgenleriň arasynda 1-nji baýrakly oruny eýeledi.

B.Halymow ýaryşda Türkmenistanyň adyndan çykyş etdi.